Ինչպես կարելի է հեռահար կիրառել «Քան» ակադեմիան, երբ դպրոցները ժամանակավորապես փակվում են
Կարդա այս հոդվածը մեկ այլ լեզվով.
Ռեսուրսներ դպրոցների, ուսուցիչների և ծնողների համար
Մենք գիտենք, որ քո միտքն այս օրերին զբաղված է տարատեսակ հարցերով՝ առողջությունից ու անվտանգությունից մինչև երեխաների խնամք ու աշխատանք։ Հիմա շատ առանձնահատուկ մարտահրավերով ժամանակաշրջան է, երբ փակվում են դպրոցները, որպեսզի ընդհատվի COVID-19-ի տարածումը, և մենք ցանկանում ենք անել հնարավորինս ամեն ինչ՝ քեզ աջակցելու համար։
«Քան» ակադեմիան անվճար ռեսուրս է աշակերտների, ուսուցիչների և ծնողների համար։
Մենք առաջարկում ենք մաթեմատիկայի, բնական և հումանիտար գիտությունների դասընթացներ՝ մանկապարտեզից մինչև քոլեջի առաջին տարիները։ Սովորողները կարող են օգտագործել մեր վարժությունները, ստուգողականները և ուղեցույց-տեսանյութերը՝ հմտություններ յուրացնելու և դրանցում վարպետանալու նպատակով։ Նրանք անմիջապես կստանան արձագանք և խրախուսում։
Դպրոցների փակ լինելու ժամանակ քեզ օժանդակող ռեսուրսներ
Ուսուցիչների, աշակերտների և ծնողների համար մենք ունենում ենք ամենօրյա ուղիղ եթերներ Ֆեյսբուքում և յութուբում՝ երկուշաբթիից ուրբաթ՝ ժամը 12։00-ին՝ խաղաղօվկիանոսյան ժամանակով։
Մենք նաև ստեղծել ենք որոշ օգտակար ուղեցույցներ քեզ համար.
Ծնողներ
- Օրակարգեր՝ 4-18 տարեկան աշակերտների կրթության շարունակականությունն ապահովելու համար՝ դպրոցների փակ լինելու ժամանակ
- Շաբաթական մաթեմատիկայի ուսուցման պլանավորում երրորդ դասարանից մինչև Հանրահաշիվ 2 առարկաների համար
- Ուղեցույց ծնողների համար
- Հաճախակի տրվող հարցեր՝ դպրոցների փակ լինելու ժամանակ կրթությանն օժանդակող
- Սկսել կիրառել «Քան» ակադեմիան և «Քան» ակադեմիայի մանկական հավելվածը՝ հեռավար կրթության համար վեբինար
- SAT թեստի թարմացումներ և SAT-ի պաշտոնական պարապմունք․ ինչպես
- Մանկական «Քան» ակադեմիայի յութուբյան ալիք և անվճար զբաղմունքներ երկուսից յոթ տարեկան երեխաների համար
-
Հեռավար կրթության մասին տեսանյութեր/վեբինարներ հետևյալ թեմաներով․
- Ինչպես մոտիվացնել և ներգրավել քո երեխաներին կրթության մեջ
- Կազմել օրակարգեր տարբեր տարիքի երեխաների համար
- Համատեղել մի քանի երեխաների՝ տարբեր օրակարգերով
- Ինչպես ես հավասարակշռում առցանց և ոչ առցանց կրթությունը այսօր, երբ աշխարհը մնում է տանը
-
և ավելին․․․
Ուսուցիչներ
- Ստեղծիր ուսուցչի անվճար հաշիվ։
- Գրանցիր քո դասարանը հեռավար կրթության համար՝ օգվելով մեր ուղեցույցից և տեսանյութից
-
Մասնագիտական ուսուցման վեբինարներ տարբեր թեմաներով, ներառյալ՝
- Ինչպես է մի ուսուցիչ օգնել, որպեսզի իր աշակերտները գերազանց ցուցանիշներ գրանցեն մաթեմատիկայում՝ նրանց վերադարձնելով դեպի մանկապարտեզի նյութեր։
- 7 հուշում արդյունավետ հեռավար կրթության համար՝ օրակարգեր կազմելուց մինչև էմոցիոնալ ազդեցություն
- Ինչպես կարող ես ներգրավել և մոտիվացնել քո աշակերտներին անգամ հեռավար կրթության ժամանակ
- և ավելին․․․
«Քան» ակադեմիան տրամադրում է անվճար ռեսուրսներ սովորողների, ուսուցիչների և ծնողների համար։
Ի՞նչ է «Քան» ակադեմիան: Մենք առաջարկում ենք վարժություններ, ստուգողականներ և թեստեր, որպեսզի սովորողները կարողանան պարապել և վարպետանալ տարբեր հմտություններում։ Ինչպես նաև ուղեցույց-տեսանյութեր, որպեսզի նրանք ավելի հեշտությամբ սովորեն և օգտվեն նյութերից։
- «Քան» ակադեմիան ունի չափանիշներին համապատասխան դասերով գրադարան՝ մանկապարտեզի թեմաներից մինչև քոլեջի սկզբի տարիների մաթեմատիկա, քերականություն, գիտություն, պատմություն, AP® դասընթացներ, SAT® թեստին նախապատրաստում և ավելին։
- Սովորողները կարող են պարապել որևէ հմտություն յուրացնելու ուղղությամբ՝ վարժություններով, ստուգողականներով, վարպետության մարտահրավերով, և անմիջապես ստանալ արձագանք ու օժանդակություն։
- «Քան» ակադեմիան հասանելի է 40-ից ավելի լեզուներով։
- Այն աշակերտները, ովքեր համակարգիչ չունեն, միևնույնն է, կարող են «Քան» ակադեմիայի կայքին հասանելիություն ունենալ և օգտվել «Քան» ակադեմիայի հավելվածից սմարթ հեռախոսների միջոցով։
Ուսուցիչները ստանում են գործիքներ և հաշվետվություններ՝ նախատեսված հատուկ իրենց կարիքների համար։
- Ուսուցիչները հեշտությամբ կարող են աշակերտներին հանձնարարել թեմայի բոլոր վարժություններն ու թեստերը՝ ընտրելով համապատասխան բաժինը, օրինակ՝ Հանրահաշիվ 1 կամ կենսաբանություն, կամ որևէ հմտություն։
- Ուսուցիչները հաշվետվությունների միջոցով կարող են հեշտությամբ հետևել աշակերտների առաջադիմությանը։
Դպրոցների և աշակերտների ռեսուրսներ. ինչպես կարող ես օգտվել այդ ռեսուրսներից։
Մենք ունենք մի շարք ռեսուրսներ, ներառյալ՝ քայլ առ քայլ ուղեցույց՝ սկսելու փուլին նվիրված, և տեսանյութերի շարք, որտեղ իրական ուսուցիչները ցույց են տալիս՝ ինչպես կիրառել «Քան» ակադեմիան՝ ուսումնական տեսանյութեր հանձնարարելու, հմտություններ պարապելու և աշակերտների առաջընթացին հետևելու համար։ Այս բոլոր ռեսուրսները հասանելի են Ուսուցիչներին անհրաժեշտ նյութեր բաժնում։ Ուսուցիչները կարող են նաև միանալ մեր #TeachWithKhan ֆեյսբուքյան խմբին։
Ինչպես սկսել․
- Ստեղծիր անվճար հաշիվներ մեր գլխավոր էջում։
- Ծանոթացիր մեր անվճար նյութերին։
- Տես մեր ռեսուրսները ուսուցիչների և ծնողների համար և իմացիր, թե ինչպես կարող ես հեշտությամբ հանձնարարել քո աշակերտներին հմտանալ որևէ դասընթացում։
Ունե՞ս հավելյալ հարցեր։ Այցելիր մեր Աջակցության կենտրոն։
Մանկական «Քան» ակադեմիան՝ փոքր տարիքի սովորողների համար
Եթե դու ունես երկուսից յոթ տարեկան երեխա, ապա մենք խորհուրդ ենք տալիս օգտագործել մեր անվճար հավելվածը՝ մանկական «Քան» ակադեմիան։ Վաղ տարիքից գրագիտություն հաղորդելուց բացի՝ հավելվածը խթանում է ստեղծագործական միտքը և կառուցում է սոցիալական էմոցիոնալ հմտություններ: Այն 100% անվճար է, առանց գովազդների և հավելյալ գնումների։ Մանկական «Քան» ակադեմիան հասանելի է iTunes-ում, Google Play-ում և Amazon App-ում։
«Քան» ակադեմիան շահույթ չհետապնդող կազմակերպություն է։
Մեր առաքելությունն է տրամադրել անվճար, համաշխարհային մակարդակի կրթություն բոլորին և ամենուր: Այսօր, երբ դպրոցների փակ լինելը իր ազդեցությունն ունի աշխարհում ավելի քան մեկ միլիարդ երեխաների վրա, մենք մեծ պահանջարկ ենք զգում մեր ազատ ռեսուրսների նկատմամբ: Մեր ծառայություններն արագորեն ընդլայնելը հնարավոր դարձավ Bank of America-ի, AT&T-ի, Google.org-ի և Novartis-ի աջակցությամբ։ Եթե կարող ես, խնդրում ենք, կատարիր նվիրատվություն։ Միասին մենք կարող ենք շարունակական պահել բոլորի կրթությունը։
Սիրով՝
«Քան» ակադեմիայի թիմ