თუ ჩემი შვილი 13-ზე ნაკლები წლისაა, როგორ შეძლებს ანგარიშში შესვლას?

• შვილის მშობელი ან მეურვე ქმნის ბავშვის ანგარიშს საიტზე ka.khanacademy.org/parent. შემდეგ მშობელს შეუძლია, ღილაკზე დაამატეთ თქვენი შვილი დააწკაპუნოს. მშობლის ანგარიში ავტომატურად უკავშირდება შვილის ანგარიშს; მშობელი კი ბავშვის მწვრთნელის სტატუსს იღებს.  ბავშვის კონფიდენციალობის დასაცავად ბავშვის ანგარიშში ზოგი ფუნქცია შეზღუდულია.  მშობლის ანგარიშის შესაქმნელად საჭიროა ელფოსტა, ხოლო მშობლის ანგარიშთან დაკავშირებული ბავშვის ანგარიშს კი არ სჭირდება თავისი ელფოსტის დაფიქსირება.
• ბავშვის ანგარიშის შექმნა შეუძლია ბავშვის მასწავლებელსაც. ბევრი სკოლა იყენებს სერვისს Google Apps for Education, რომელიც მათ საშუალებას აძლევს, მართონ ანგარიშები. ასეთი ანგარიშის მინიჭება 13-ზე ნაკლები წლის ბავშვისთვისაც შეიძლება.
• ბავშვს შეუძლია, თავად შექმნას ანგარიში. ანგარიშის შექმნისას მას მშობლის ელფოსტის შეყვანა მოუწევს. მშობელი შემდეგ მიიღებს წერილს, რომლითაც შეძლებს ბავშვის ანგარიშის დადასტურებას 7 დღის განმავლობაში. 

იხილეთ ასევე:

• რით განსხვავდება ბავშვის ანგარიში ჩვეულებრივი ანგარიშებისგან?
• როგორ შეიძლება ბავშვის ანგარიშზე სხვა მწვრთნელების დამატება?
• რატომ იშლება ჩემი შვილის ანგარიში 7 დღის შემდეგ?